Nga Pukapuka Matua
Te Whanake 1 Te Kakano
He pukapuka matua ma te pakeke me te taitamariki e timata ana ki te ako i te reo.
Te Whanake 2 Te Pihinga
He pukapuka matua ma te akonga kua timata ke ki te ako i te reo, a, kua oti a Te Kakano i a ia.
Te Whanake 3 Te Mahuri
He pukapuka matua ma te akonga kua ahua matatau ke ki te reo, a, kua oti a Te Pihinga i a ia.
Te Whanake 4 Te Kohure
He pukapuka matua ma te akonga kua mohio ki te reo, a, kua oti a Te Mahuri i a ia.
He Korero Mo Nga Pukapuka Matua
No na noa nei kua taia he putanga tuarua o nga pukapuka matua e toru e Longman/Pearson Education New Zealand.
He kaupapa matua no te reo to ia wahanga, to ia wahanga. Anei etahi o nga mea kei roto:
- He korerorero, he tuhinga hoki e parekareka ana ki te pakeke e ako ana i te reo. Kaore e tino rahi ana te reo hou o ia wahanga, o ia wahanga kia taea aua ahuatanga hou e te akonga te hopu. He korero na nga tohunga whakairo kupu o nga pukapuka, a, kia matatau haere te akonga ka maha ake aua momo korero hei tauira mana.
- He whakamarama, he tauira hoki mo nga momo whakatakotoranga korero hou o nga korerorero me nga tuhinga o ia wahanga.
- He kupu atu ano.
- He mahi whakarongo, korero hoki o nga kopae me nga rokiroki. He mahi whakahua o Te Kakano.
- He mahi tuhituhi, panui, korero hoki.
Ko te katoa o nga kupu hou o te pukapuka, o nga kopae me nga rokiroki kei te mutunga o ia pukapuka matua. Kei reira hoki nga wharangi o nga momo whakatakotoranga korero hou katoa e tohungia ana. E tohungia ana ano hoki no tehea momo ia kupu.
